Xorde en 2017 como iniciativa de colaboración entre ASAEXS (Asociación alumnado e exalumnado sénior da UVigo, Campus de Pontevedra) e o propio Ateneo, co propósito de ler e comentar obras literarias e coa participación de 25 integrantes. Celebra unha xuntanza mensual e en moitas ocasións cóntase coa presenza dos propios autores.

Ao longo destes anos debateuse sobre obras dunha nómina que inclúe as principais figuras da escena pontevedresa e galega e grandes nomes das letras españolas e universais, como Stefan Zweig, Eça de Queiroz, Lucía Berlín, Annie Ernaux ou Chaves Nogales.

Coordina o club a socia Carmela Lazcano.